Wasiirka Arrimaha Dibadda iyo Iskaashiga Caalamiga ah, Danjire Axmed Macallin Fiqi, iyo Wasiiru Dawlaha Arrimaha Dibadda, Mudane Cali Cumar (Cali Balcad), ayaa maanta ku qaabilay xarunta Wasaaradda, Mudane Alper Aktaş, Safiirka Jamhuuriyadda walaalaha nahay ee Turkiga u fadhiya Jamhuuriyadda Federaalka Soomaaliya.
Danjire Aktaş ayaa u yimid si uu shakhsi ahaan ugu muujiyo tacsidiisa qalbiga ka soo go’day kadib geeridii kutimid hooyo Faadumo Shirdoon Ducaale, hooyada qaaliga ah ee Wasiirka, oo ku geeriyootay Muqdisho Sabtidii, Oktoobar 19, 2024.
Booqashada Safiirka Aktaş waxay ahayd muujin kalgacal oo tilmaamaysa xiriirka xooggan ee u dhaxeeya Turkiga iyo Soomaaliya, iyada oo lagu muujinayo midnimo iyo taageero xilligan adag.
Wasiir Fiqi ayaa uga mahadceliyey Safiir Aktaş naxariista qiimaha badan oo uu muujiyay, isaga oo uga mahadceliyey joogitaanka walaalkiis Turkiga ee xilligan murugada ah.