Muqdisho (MFA Somalia)– Xoghayaha Joogtada Wasaaradda Arrimaha Dibadda iyo Iskaashiga Caalamiga, Mudane Xamsa Aadan Xaadow, ayaa ku bogaadiyay Guddoomiye ku-xigeenka Guddiga sare ee Bankiga IBS, Mudane Cabdirisaaq Cali Warsame, kaalintiisa muuqata ee u adeegidda bulshada, dadaalkiisa wax ku oolka ah, hoggaamintiisa sarraysa iyo wadashaqaynta dhow ee uu la leeyahay Wasaaradda, iyada oo loo aqoonsaday shakhsiga sanadka 2024.
Bankiga IBS ayaa hore u taabageliyay barnaamijyo ay abaabulkeeda lahayd Waaxda Qurbajoogta iyo Jaaliyadaha ee Wasaaradda Arrimaha Dibadda iyo Iskaashiga Caalamiga, laguna dhiirrigelinayay qurbajoogta si ay u maalgeshtaan dalka, ugana qeyb-qaataan dib u dhiskiisa iyo horumarkiisa.