Wasaaradda Arrimaha Dibadda iyo Iskaashiga Caalamiga ah ee Jamhuuriyadda Federaalka Soomaaliya oo Guul Ka Gaartay Soo Celinta 191 Dhalinyaro Soomaali ah oo ku Xayirnaa Libiya.
Wasiirka Arrimaha Dibadda, Danjire Axmed Macallin Fiqi, ayaa hoggaamiyay soo celinta guulaysatay ee 164 dhalinyaro Soomaali ah oo ku xayirnaa dalka Libiya, iyadoo loo marayo barnaamijka soo celinta Ikhtiyaariga ah ee Bani’aadamnimada (VHR). Iyadoo lala kaashanayo Midowga Yurub, IOM, iyo UNHCR, Wasaaradda Arrimaha Dibadda iyo Iskaashiga Caalamiga ah waxay xaqiijiyeen in muwaadiniintan si nabad ah loogu soo celiyo dalka, iyadoo 55 ka mid ah ay gaareen Hargeysa, inta kalena(109) ay yimaadeen Muqdisho.
Howlgalkan waa qayb ka mid ah dadaallada joogtada ah ee Dowladda Federaalka Soomaaliya ay ku xallinayso caqabadaha tahriibka.
Wasaaradda Arrimaha Dibadda iyo mas’uuliyiinta kale ee dowladda ayaa xaqiijiyey sida ay uga go’an tahay ilaalinta muwaadiniinta Soomaaliyeed ee dibadda ku sugan iyo caawinta sidii ay noloshooda ugu dhisi lahaayeen dalkooda.
Munaasabadda waxaa ka soo qaybgalay Wasiirka Batroolka iyo Macdanta Cabdirisaaq Maxamed, Wasiirka Warfaafinta Daud Aweys, Wasiirka Arrimaha Gudaha Cali Yuusuf Xoosh, Wasiirka Amniga Gudaha Cabdullaahi Sheekh Fartaag, iyo Guddoomiyaha Guddiga Qaxootiga iyo Barakacayaasha Qaranka, taas oo muujineysa dadaallada wadajirka ah ee dowladda.