Wasiirka Arrimaha Dibadda iyo Iskaashiga Caalamiga, Mudane Danjire Ahmed Moallim Fiqi, ayaa maanta oo Sabti ah, ka daahfuray Masjidka Wasaaradda, xalqo lagu baranayo tafsiirka Qur’aanka Kariimka ah oo hormuud ka yahay mid ka mid ah culimada, iyadoo arrinkani lagu soo beegay maalinka koowaad ee bilashada bisha barakaysan ee Ramadaan. Hindisahani ayaa ah dadaal ballaaran oo lagu xoojinayo aqoonta diiniga, laguna faafinayo qiyamka islaamka inta lagu guda-jiro bishani fadliga leh.
Hindisahani ayaa ujeedadiisu tahay in la abuuro jawi ka tarjumaya mabaadiida sare, kuna dhiirrigelinaya shaqaalaha Wasaaradda inay ka faaidaystaan qiimaha sare ee bishani barakeysan ay huwantahay, iyadoo la dardargelinayo howlaha diiniga iyo waxbarashada oo adkaynaya wadajirka iyo daahfurnaanta.
Barnaamijkani ayaa si xiriir leh u socon doona guud ahaan bishani, waxaana ka qeyb ah casharro iyo fadhiyo lagu qaadaa-dhigi doono qiimaha dulqaadka, wax bixinta iyo is-walaalsiga, tani oo la jaanqaadaysa fadliga bishani oo ah munaasabad uu dib isku eego qofka, kuna cusboonaysiiyo ruuxdiisa camal suuban iyo xiriirinta qoyska iyo bulshada.
